Meray Alfaaz, Urdu text latest poetry Khawahish,hosla urdu sms

خواہش۔۔۔

اچانک اک خواہش نے جنم لیا ہے مجھ میں۔۔۔

میں کچھ الفاظ لکھنا چاہتی ہوں،

 تمہارے لیے۔۔۔

 کیونکہ الفاظ سے بڑا کوئی تحفہ نہیں ہوتا،

 جو محبوب کی نذر کیا جا سکے۔۔۔

 ایسے الفاظ جو میرے اس عشق کی عکاسی کر سکیں،

 جو میں ہر سانس کے ساتھ تم سے کرتی ہوں۔۔۔

 مگر ڈرتی ہوں کچھ غلط نہ کہ دوں،

 بہت نادان ہوں نہ،جھلی،نا سمجھ۔۔۔

 کہاں اتار پاؤں گی،اپنی چاہت کو لفظوں میں۔۔۔

 کیسے اپنے معصوم خوابوں کو تحریر کر پاؤں گی،

 جنہیں تمہاری یاد میں ہر لمحہ بنا کرتی ہوں۔۔۔

 میں کہ بہت نادان ہوں،

 اتنی کہ الفاظ کا چناؤ بھی کٹھن ہے میرے لیے۔۔۔

 مگر ہاں۔۔۔

 تم جانتے ہو نہ۔۔۔

 تم سمجھتے ہو نہ۔۔۔

 میری جان ہو تم۔۔۔

 میری صبح،میرے شام ہو تم۔۔۔

 تم جانتے ہو نہ، میری جان ہو تم۔۔۔

 

(بنت عاشق)

حوصلہ۔۔۔

حیات کی گہما گہمی میں،

آزمائشوں میں گھرے ہم۔۔۔

ہمیں حوصلہ نہیں ہارنا ہے۔۔۔

ساتھ چلتے رہنا ہے،صبر سے اچھی امید کا دامن تھامے ہوئے۔۔۔

ہر طوفان سے گزر جانا ہے،ہنستے مسکراتے ہوئے۔۔۔

سنو۔۔۔

ہمیں حوصلہ نہیں ہارنا ہے۔۔۔

حوصلہ ہارنا عاشقوں کو زیب نہیں دیتا۔۔۔

اور صبر عاشقوں کی شان ہے۔۔۔

اور جب ہم ساتھ ہیں تو کسی بھی طوفان سے گزرنا معمولی بات ہے۔۔۔

سنو!

پوری ایمانداری سے،خلوص سے ساتھ چلتے جانا ہے۔۔۔

ہمیں حوصلہ نہیں ہارنا ہے۔۔۔

(بنت عاشق)